ՏԵՍԱՆՅՈՒԹ. Մելիտոպոլում պայթյուն է եղել. մանրամասներ
Մելիտոպոլում առավոտյան փողոցներից մեկում ինքնաշեն պայթուցիկ սարք է գործարկվել։ Պաշտոնական տվյալներով՝ պայթյունի հետևանքով ոստիկան է վիրավորվել, այժմ նա ոտքի ականապայթյունային վնասվածքով հիվանդանոցում է։
Զապորոժիեի մարզի Մելիտոպոլ բնակավայրում տեղի ունեցած պայթյունն ահաբեկչություն է, որի հետևում կանգնած են ուկրաինական հատուկ ծառայությունները։ Այս մասին ՌԻԱ Նովոստիին հայտնել է «Մենք Ռուսաստանի հետ ենք» շարժման նախագահ, Զապորոժիեի մարզի վարչակազմի գլխավոր խորհրդի անդամ Վլադիմիր Ռոգովը:
«Սա ահաբեկման տարր է և Զապորոժիեի մարզի ազատագրված տարածքում իրավիճակն ապակայունացնելու ահաբեկիչների փորձ», - ասել է Ռոգովը:
Բացի այդ, հատուկ ծառայությունների աշխատակիցները հայտնաբերել են ավտոմեքենա, որի բեռնախցիկում եղել են ինքնաձիգներ, մոտ 500 փամփուշտ ու նռնակներ:
