Թուրքիան «պատժում է» ՌԴ-ին՝ խուսափելու ԵՄ-ի հետ առճակատումից

Թուրքիան դադարեցրել է արևմտյան պատժամիջոցների տակ գտնվող ապրանքների տարանցումը Ռուսաստան։ 
 

Այս մասին հայտնում է Reuters գործակալությունը՝ հղում անելով Ստամբուլի սև և գունավոր մետաղներ արտահանողների ասոցիացիայի ղեկավար Չեթին Թեքչելիօղլուին։

Նրա խոսքով՝ թուրքական կառավարությունը ընկերություններին տվել է արգելված արտասահմանյան ապրանքների ցանկը և հրահանգել մարտի 1-ից դրանք չուղարկել Ռուսաստան։

Ինչպես նշել է Թեքչելիօղլուն, հաշվի առնելով արևմտյան երկրների «լուրջ նախազգուշացումները», սա հնարավորություն է՝ խուսափելու ԵՄ-ի հետ առճակատումից։

Հավելենք, որ միասնական մաքսային միության շրջանակներում ԵՄ երկրների բաժին է ընկնում թուրքական արտահանման կեսը։