ՏԵՍԱՆՅՈՒԹ. Փարիզում ցուցարարները Մակրոնի հրաժարականն են պահանջում
Փարիզում կենսաթոշակային բարեփոխումների դեմ բողոքի ցույցերի ժամանակ առնվազն 142 մարդ է բերման ենթարկվել: Իրավապահ մարմինների և ցուցարարների միջև բախումներ են տեղի ունեցել, բողոքի ցույցը ցրելու համար օգտագործվել է արցունքաբեր գազ։
Ֆրանսիայի մայրաքաղաքում ամենախոշոր ակցիաներից մեկը տեղի ունեցավ Վոբան հրապարակում։ Հանրահավաքից հետո դրա մասնակիցները բաժանվել են երկու մեծ խմբերի և գնացել քաղաքի այլ հատվածներ՝ կազմակերպելով անկարգություններ։
BFMTV-ի տվյալներով՝ ավելի քան 2000 ոստիկան ու ժանդարմ է ներգրավված քաղաքի փողոցներում կարգուկանոն պահպանելու համար։
Բողոքի ցույցերը վերսկսվել են այն օրը, երբ Ֆրանսիայի կառավարությունը խուսափել է անվստահության քվեից։ Կառավարության հեռանալուն կողմ է քվեարկել Ազգային ժողովի 278 պատգամավոր՝ անհրաժեշտ 287 ձայնով։
Հիշեցնենք, որ Ֆրանսիայում բնակիչները դեմ են կենսաթոշակային տարիքի բարձրացմանը: Նրանց բողոքը այժմ էլ վերածվել են հրաժարականի պահանջի. նրանք պահանջում են նախագահ Մակրոնի հրաժարականը:
