ՏԵՍԱՆՅՈՒԹ. Տղամարդը դուրս է եկել շենքի պատշգամբ ու ինքնաձիգից կրակ բացել
Մերձմոսկովյան Գոլուբոե գյուղի բազմահարկ բնակելի շենքի պատշգամբից տղամարդը ավտոմատից կրակ է բացել։ Այս մասին ուրբաթ ՏԱՍՍ-ին հայտնել են իրավապահ մարմիններում:
«Միջադեպը տեղի է ունեցել Գոլուբոե գյուղում։ Մի տղամարդ ինքնաձիգից կրակ է բացել բազմահարկ բնակելի շենքի պատշգամբից։ Միջադեպի հանգամանքներն ու պատճառները պարզվում են»,- ասել է աղբյուրը։
Իր հերթին, Ռուսաստանի ՆԳՆ Մոսկվայի տարածաշրջանի գլխավոր վարչության մամուլի ծառայությունը ՏԱՍՍ-ին հայտնել է, որ ոստիկանությունը հաղորդագրություն է ստացել պայթյունի նմանվող ձայների մասին:
«Տեղում են գտնվում ոստիկանության աշխատակիցները, դեպքի հանգամանքները պարզվում են։ Տուժածների մասին տեղեկություններ չեն ստացվել»,–ասել են մամուլի ծառայությունից։
