ՏԵՍԱՆՅՈՒԹ. ՌԴ-ն արձագանքել է Պուտինին ձերբակալելու Հաագայի դատարնի որոշմանը
Ռուսաստանի համար Միջազգային քրեական դատարանի որոշումներն իրավաբանորեն առոչինչ են, հայտարարել է ԱԳՆ պաշտոնական ներկայացուցիչ Մարիա Զախարովան։
Միաժամանակ նա նշել է, որ Ռուսաստանի Դաշնությունը Միջազգային քրեական դատարանի Հռոմի կանոնադրությանը միացած չէ:
Այդ իսկ պատճառով Ռուսաստանը ոչ մի պարտավորություն չի կրում կազմակերպության նկատմամբ։ Զախարովան նաեւ ընդգծել է, որ Մոսկվան չի համագործակցում ՄՔԴ-ի հետ։
Ավելի վաղ հայտնել էինք, որ Հաագայի միջազգային քրեական դատարանը Ռուսաստանի նախագահ Վլադիմիր Պուտինին և երեխաների իրավունքների պաշտպան Մարիա Լվովա-Բելովային ձերբակալելու միջազգային օրդեր է տվել։ Ձերբակալման որոշման հայտարարությունը` տեսանյութում:
