ՏԵՍԱՆՅՈՒԹ. Փարիզը հրդեհի մեջ. բողոքի ցույցի ժամանակ ձերբակալվածների թիվը հասել է 217-ի

Մեկ տեսանյութում ներկայացնում ենք` ինչ է կատարվել երեկ` անկարգություննեի ժամանակ Փարիզում. մեքենաներ են այրվել, ոստիկանությունն արցունքաբեր գազ և ջրցան մեքենաներ է օգտագործել՝ անկարգությունները ցրելու համար:

Ցուցարարները այժմ էլ պահանջում են վարչապետի հրաժարականը։

Փարիզի կենտրոնում կենսաթոշակային բարեփոխումների դեմ բողոքի ակցիաներին մասնակցելու համար բերման ենթարկվածների թիվը հասել է 217-ի, հայտնում է BFMTV-ն՝ վկայակոչելով պրեֆեկտուրայի տվյալները։

Ինչպես հաղորդում է RIA Novosti-ի թղթակիցը, մարդիկ կեսօրից հետո սկսել են հավաքվել Փարիզում Ազգային ժողովի շենքի մոտ։ Այն բանից հետո, երբ վարչապետ Էլիզաբեթ Բորնը հայտարարել է Սահմանադրության 49.3-րդ հոդվածի օգնությամբ օրենքը ընդունելու մասին՝ առանց պատգամավորների հավանության, հազարավոր մարդիկ սկսել են հավաքվել Պլաս դե լա Կոնկորդում։

Երեկոյան մոտ ցուցարարները բախվել են ոստիկանների հետ, կիրառվել է արցունքաբեր գազ։ Ավելի ուշ ոստիկանությունը ջրցան մեքենաներ է կիրառել ցույցը ցրելու համար։ Ուշ երեկոյան ցուցարարները դեռ բարիկադներ են կանգնեցրել ու հրդեհ տարածել, մի քանի մեքենաներ այրվում են։

Հինգշաբթի օրը ցույցեր են անցկացվել Ֆրանսիայի գրեթե բոլոր խոշոր քաղաքներում։

Իշխանությունները 2023 թվականի սեպտեմբերի 1-ից կսկսեն բարձրացնել կենսաթոշակային տարիքը տարեկան երեք ամսով։ Այսպիսով, 2030 թվականին այն կհասնի 64 տարվա՝ ներկայիս 62-ի փոխարեն։