Երևանի քաղաքապետարանի աշխատակազմի քարտուղարի Ժ/Պ Սեյրան Մեջլումյանն աշխատանքից ազատման դիմում է ներկայացրել․ ԶԼՄ
Երևանի քաղաքապետարանի աշխատակազմի քարտուղարի Ժ/Պ Սեյրան Մեջլումյանն աշխատանքից ազատման դիմում է ներկայացրել: Գրում է tert.am-ը հղում անելով Երևանի քաղաքապետարանին։ Նշենք, որ երեկվանից շրջանառվում է նաև տեղեկությունը, որ հրաժարական է ներկայացրել նաև Երևանի քաղաքապետ Հրաչյա Սարգսյանը:
Տեղեկությունը փորձեցինք ճշտել քաղաքապետարանի մամուլի խոսնակի տեղակալ Տարոն Գևորգյանից, վերջինս նշեց, որ որևէ փոփոխության մասին տեղեկություն չունեն. «Եթե լինեն փոփոխություններ, կդնենք մեր աղբյուրներում: Ինչու է ձեզ թվում, որ թաքցնում ենք»:
Հիշեցնենք, որ Հրաչյա Սարգսյանի որոշմամբ՝ Սեյրան Մեջլումյանը քաղաքապետարանի աշխատակազմի քարտուղարի պաշտոնակատար էր նշանակվել 2022թ. հուլիսի 19-ին:
Մեջլումյանը մինչ այս նշանակումը զբաղեցնում էր քաղաքապետի օգնականի պաշտոնը:
