ՏԵՍԱՆՅՈՒԹ. «Այգում զբոսնե՞լ էլ չի կարելի». ոստիկանները մոտեցել են այգում նստած կնոջն ու պահանջել ցույց տալ անձնական իրերը
Երեկ երեկոյան համացանցում տեսանյութ տարածվեց, որում երևում է, թե ինչպես են ոստիկանության 2 աշխատակից մոտեցել այգում նստած կնոջն ու պահաջել բացել և ցույց տալ պայուսակի պարունակությունը: Դեպքը տեղի է ունեցել Նորքի այգիներից մեկում: Ընթացքում ոստիակնության աշխատակիցներին միանում են ևս երկու ոստիկաններ: Կինը նշում է, որ այգի եկել էր զբոսնելու, որից հետո իրերի զննման պահանջով մոտեցել են ոստիկանության աշխատակիցները: Կինը հարցնում է` երևի շատ կասկածելի մարդ էի չէ երևում: Ոստիկանության աշխատակիցն էլ նշեց` այգում բոլորն են կասկածելի և հավելեց, որ կոնկրետ բան են փնտրում, ուժեղացված ծառայություն են իրականացնում:
Ոստիկանները ոչինչ չգտան և հեռացան:
Մանրամասները` տեսանյութում:
«Նշված դեպքի մասով ոստիկանության պետի հրամանով նշանակված է ծառայողական քննություն»,- Auroranews.am-ի հետ զրուցում ասաց ՆԳՆ Ոստիկանության հասարակայնության հետ կապի և լրատվության վարչության պետ Զարզանդ Գաբրիելյանը: Հարցին, թե արդյոք ոստիկանների գործողությունները եղել են օրենքի և իրենց վերապահված իրավասությունների սահմաններում` Գաբրիելյանը նշեց, որ ծառայողական քննությամբ իրենք հենց դա էլ պետք է պարզեն, իսկ մենք նշված հարցերի պատասխանների համար պետք գրավոր հարցում ուղարկենք:
