ՏԵՍԱՆՅՈՒԹ․ Ուժեղ պայթյուն Մելիտոպոլում․ տուժածներ կան
Զապորոժիեի շրջանի Մելիտոպոլ քաղաքում ավտոմեքենա է պայթել։ Այս մասին հայտնում է Интерфакс-ը՝ նշելով, որ տեղեկությունը լրագրողներին հայտնել է Զապորոժիեի շրջանի արտակարգ ծառայությունների ներկայացուցիչը։
Նշվում է, որ քաղաքում մեքենայի պայթյունի հետևանքով տուժել է երեք մարդ, և ոչ երկու, ինչպես ավելի վաղ հաղորդվում էր։
Վիրավորվել են երկու տղամարդ և մեկ կին։
Պայթեցված մեքենան պատկանել է դեպքի վայրում գտնվող քաղաքային տրանսպորտային ընկերության ղեկավար Իվան Տկաչին, որը, ինչպես նշում է ТАСС-ը, տուժածներից մեկն է։
Նշվում է, որ Ուկրաինայում Տկաչի տվյալները հրապարակել են հանրությանը՝ նրան ներկայացնելով որպես Ռուսաստանի հետ համագործակցող դավաճան։
Ավելի վաղ հաղորդվում էր, որ մեքենան բակում պայթեցվել է ինքնաշեն պայթուցիկով։
