Հաջիևը Հայաստանին մեղադրում է «արհեստական ​​լարվածություն ստեղծելու մեջ»

Ղարաբաղի հայերի իրավունքների և անվտանգության քննարկման միջազգային մեխանիզմի ստեղծումը չի կարող պայման լինել Հայաստանի կողմից Ադրբեջանի հետ խաղաղության պայմանագրի ստորագրման համար։ Նման հայտարարություն է արել Ադրբեջանի նախագահի օգնական Հիքմեթ Հաջիևը։

«Ղարաբաղում ապրող հայերի իրավունքներն ու անվտանգությունը և միջազգային մեխանիզմի ստեղծումը որպես Հայաստանի համար Ադրբեջանի հետ խաղաղության համաձայնագրի կնքման պայման առաջադրելը լիովին անընդունելի և վտանգավոր մոտեցում է»,- ասել է Հաջիևը։ .

Նա ընդգծել է, որ նման միջազգային մեխանիզմի ստեղծումը բացառվում է։ Բացի դա, Հաջիևը Երևանի պնդումներն անտրամաբանական է անվանել և մեղադրել «արհեստական ​​լարվածություն ստեղծելու մեջ»։

Հիշեցնենք, որ ավելի վաղ ՀՀ ԱԽ քարտուղար Արմեն Գրիգորյանը, խոսելով Լեռնային Ղարաբաղում միջազգային մեխանիզմների ստեղծման մասին, մանրամասնել էր, որ դրանցից «մեկը օրինակ, կարող է լինել, որ Լեռնային Ղարաբաղի շփման գծի շուրջ ստեղծվում է ապառազմականացված գոտի: Այդ ապառազմականացված գոտին, բնականաբար, անվտանգության երաշխիքներ է ստեղծելու Լեռնային Ղարաբաղի համար: 

Կարող են քննարկվել այլ հարցեր, կարծում եմ՝ բազմապիսի հարցեր կան, որոնք կարող են քննարկվել, միջազգային հանրության ներկայությունը Լեռնային Ղարաբաղում կարող է քննարկել, և մեխանիզմ ստեղծել, թե ինչպես է միջազգային հանրությունը ներկա, որպեսզի անվտանգություն ապահովի ԼՂ-ում ապրող հայերի համար: Իրավունքների մասին կրկին մեխանիզմներ կարող է քննարկել, և այդ մեխանիզմների շրջանակում իրավունքները ապահովել: Այսինքն՝ այս պահին կա միջազգային մեխանիզմ բանակցությունների մասին պայմանավորվածություն, բայց կարգավորումները, որոնք պետք է ապահովեն անվտանգություն և իրավունքներ, արդեն բանակցությունների առարկա են»: