Փրայսը հեռանում է ԱՄՆ Պետդեպարտամենտի խոսնակի պաշտոնից. ԶԼՄ
Պետքարտուղարության խոսնակ Նեդ Փրայսը մարտի 17-ին կլքի պաշտոնը։ Այս մասին ՏԱՍՍ-ի փոխանցմամբ՝ երեքշաբթի հայտնել է NBC հեռուստաալիքը։
Ըստ աղբյուրի՝ Փրայսը կաշխատի ԱՄՆ պետքարտուղար Էնթոնի Բլինքենի անմիջական ենթակայության տակ:
Նշվում է, որ պետդեպարտամենտի մամուլի ծառայության ղեկավարի տեղակալ Վեդանտ Պատելը ժամանակավորապես կկատարի ղեկավարի պարտականությունները։
Նեդ Փրայսը, ով նաև Կենտրոնական հետախուզական գործակալության (ԿՀՎ) և նախագահ Բարաք Օբամայի օրոք ԱՄՆ Ազգային անվտանգության խորհրդի խոսնակն էր, ասել է, որ նոր պաշտոնն իրեն հետ է տանում այնտեղ, որտեղ սկսվել է իր կարիերան:
Բլինքենն իր հայտարարության մեջ հաստատել է Պետդեպարտամենտի մամուլի ծառայության ղեկավարի փոփոխությունը՝ շնորհակալություն հայտնելով Փրայսին կատարված աշխատանքի համար։
