ՏԵՍԱՆՅՈՒԹ․ Բողոքի ցույցեր և բախումներ Թբիլիսիում․ կան մեծ թվով բերման ենթարկվածներ, մայրաքաղաքում երթևեկը կանգնած է

Թբիլիսիի կենտրոնում զանգվածային բողոքի ցույցեր են՝ Խորհրդարանի կողմից հաստատված օտարերկրյա գործակալների մասին օրենքի դեմ։ Ոստիկանները ցուցարարների նկատմամբ արցունքաբեր գազ են կիրառում, գրում են ԶԼՄ-ները։

Հիշեցնենք, որ Վրաստանի խորհրդարանը, առաջին ընթերցմամբ ընդունեց Վրաստանում օտարերկրյա գործակալների մասին օրինագիծը, ինչի մասին հայտարարությունից հետո Թբիլիսիում վերսկսվեցին բողոքի ցույցերը: Մարդկանց բազմությունը հավաքվել է Թբիլիսիի կենտրոնում և դժգոհում է «ժողովրդավարության դադարեցման» դեմ:

Վրացական մայրաքաղաքում երթևեկը կանգնած է, ամբոխը ցրելու փորձերը հանգեցնում են ցուցարարների և ուժայինների միջև բախումների։ Ոստիկաններն օգտագործում են արցունքաբեր գազ և ջրցան մեքենաներ։ Հայտնի է մեծ թվով բերման ենթարկված ցուցարարների մասին, բայց անկարգությունները շարունակվում են:
 

Երիտասարդները վրացական իշխող կուսակցությանը մեղադրում են «պուտինիզմի» և օտարերկրյա գործակալների մասին ռուսական օրենքը դիտավորյալ կրկնօրինակելու մեջ։ Պաշտոնապես, երկրի իշխանությունները համապատասխան օրենքի ընդունումը բացատրում են արտերկրից ֆինանսավորման համակարգի թափանցիկության ապահովման անհրաժեշտությամբ։