Դեմոկրատները կարող են ԱՄՆ նախկին առաջին տիկին Միշել Օբամային խրախուսել առաջադրվել նախագահի պաշտոնում: Fox News-ը
մեջբերում է  Սպիտակ տան և Պենտագոնի նախկին ներկայացուցիչ Դուգլաս ՄակՔինոնի խոսքերը: 

Հեռուստաալիքը նշում է, որ Միշել Օբամայի անունը շոշափվել է Դեմոկրատական կուսակցության նախագահական վերջին փրայմերիզների նախաշեմին, չնայած այն հանգամանքին, որ նա բազմիցս հերքել է առաջադրվելու ցանկությունը։

ՄակՔինոնը կարծում է, որ եթե գործող նախագահ Ջո Բայդենն ու փոխնախագահ Քամալա Հարիսը չառաջադրվեն, ապա նախկին առաջին տիկինը կարող է դառնալ հիմնական թեկնածուն, իսկ դեմոկրատները կարող են փորձել նրան մղել մասնակցելու ընտրություններին։

ԱՄՆ նախագահ Ջո Բայդենն ավելի վաղ ասել էր, որ դեռ պատրաստ չէ որոշում կայացնել 2024 թվականի նախագահական ընտրություններում առաջադրվելու մասին։