Ուկրաինան Իրանի դեմ բողոք կներկայացնի

 Ուկրաինան Իրանի դեմ բողոք կներկայացնի Միջազգային քրեական դատարան։ Այս մասին հայտնել է Ուկրաինայի վարչապետ Դենիս Շմիգալը Al-Arabiya-ին տված հարցազրույցում։ Հաղորդում է Factor-ը:

 «Մենք անհանգստացած ենք ռազմական հանցագործությունների մեջ Ռուսաստանի հետ Իրանի մեղսակցության կապակցությամբ և կձգտենք ճանաչել դրանցում Իրանի մասնակցությունը»,- նշել է Շմիգալը։ 

Հիշեցնենք, որ Ուկրաինան և արևմտյան երկրները բազմիցս մեղադրել են Իրանին Ուկրաինայում պատերազմի համատեքստում Ռուսաստանին ռազմական օգնություն ցուցաբերելու համար։ Սակայն իրանական կողմը, մասնավորապես, երկրի ԱԳ նախարար Հոսեյն Ամիր Աբդոլլահիանը հերքել է նման մեղադրանքները։