Թբիլիսին հերքել է Սաակաշվիլիին Լեհաստան տեղափոխելու ԵՄ պահանջի մասին տեղեկությունները

Վրաստանի արդարադատության նախարար Ռատի Բրեգաձեն հերքել է որոշ ԶԼՄ-ների այն տեղեկությունները, թե իբր Եվրամիությունը Վրաստանի իշխանություններից պահանջել է Վրաստանի բանտարկված նախկին նախագահ Միխեիլ Սաակաշվիլիին բուժման նպատակով տեղափոխել Լեհաստան։ 

Ինչպես երեքշաբթի վրացական «Իմեդի» հեռուստաընկերության եթերում ասել է Բրեգաձեն, ԵՄ պատվիրակության ղեկավար Պավել Խերչինսկու և Շվեդիայի դեսպան Ուլրիկ Տիդեսստրյոմի հետ նախորդ օրը տեղի ունեցած հանդիպման ժամանակ նման հարց չի քննարկվել։ 

Ինչ վերաբերում է Եվրամիության կոչին, որի տեքստը փոխանցվել է հանդիպմանը, ապա, ըստ նրա, դա վերաբերում էր Սաակաշվիլիի առողջական վիճակի վերաբերյալ մտահոգությանը։ 

«Մենք հանդիպման ժամանակ տեղեկացրել ենք, թե ինչ է անում վրացական պետությունը Սահակաշվիլիի իրավունքները պաշտպանելու և նրան բուժելու համար»,- ասել է նա։ 

«Մեր գերատեսչությունը թաքցնելու ոչինչ չունի, ընդհակառակը, մենք վճռական ենք տրամադրել հանրությանը հնարավորինս շատ տեղեկատվություն ցանկացած ձևով»,- հավելեց նախարարը։