Չեչեն բլոգեր և Չեչնիայի ղեկավար Ռամզան Քադիրովի քննադատ Տումսո Աբդուրահմանովը երեկ կապի ր դուրս եկել իրավապաշտպանների հետ, և իր անհետացումից ավելի քան 2 ամիս անց «Վերադարձ» վերնագրով տեսանյութ է հրապարակել իր յութուբյան ալիքում։
 

Տեսանյութի սկզբում նա պատմել է է Աբդուլ Քերիմ Էդիլովի մահվան մասին՝ նրան անվանելով Քադիրովի երեք որդու «դայակ»։
 

«Եվ երբ ես դադարեցի իմ հոլովակները տեղադրել, քադիրովյան շրջապատը չգիտես ինչու որոշեց, որ ես մահացած եմ, որ ինձ սպանել են։ Եվ Աբդուլ-Քերիմն ուրախությամբ ... տեղադրեց իմ լուսանկարն ու տակը գրեց «ուտիլիզացվել է»։ Պատկերացնում եք, թե ճակատագրի ինչ հեգնանք է։ Հիմա հենց Աբդուլ-Քերիմն է «ուտիլիզացվել»,- հայտարարել է բլոգերը՝ հավելելով, որ ինքը ողջ ու առողջ է։

Նա նաև հայտարարել է, որ «կարոտել է բլոգերական գործունեությունը, սակայն չի բացահայտում իր անհետացման մանրամասները»։

Հիշեցնենք, որ Աբդուրահմանովը Քադիրովի գլխավոր քննադատներից մեկն էր, չեչեն ընդդիմադիր բլոգերը 2015 թվականին լքել էր Չեչնիան՝ Քադիրովի հարազատներից մեկի՝ Իսլամ Քադիրովի հետ ունեցած տարաձայնությունների պատճառով։ Ավելի ուշ, նա սկսել էր վարել յութուբյան ալիք, որտեղ քննադատում էր Չեչնիայի ղեկավարությանը։