Գերմանիայում օդային հաղորդակցությունը մասշտաբային կաթվածի է ենթարկվել․ աշխատակիցները գործադուլ են անում

Գերմանիայում գործադուլ են անում աշխատակիցները, ինչը հանգեցրել է երկրում օդային հաղորդակցության մասշտաբային կաթվածի։ 

Գործադուլը սկսվել է գիշերը Հանովերի օդանավակայանում, որը դադարեցրել է աշխատանքը: 

Գործադուլի կազմակերպիչները մտադիր են հնարավորինս կանխել բոլոր թռիչքները Մայնի Ֆրանկֆուրտի, Մյունխենի, Շտուտգարտի, Բրեմենի, Համբուրգի եւ Դորտմունդի օդանավակայաններում, հաղորդում է DW-ը։

ADV օդանավակայանների միավորման գնահատմամբ՝ 2340 չվերթի չեղարկման պատճառով կտուժի գրեթե 300 հազար ուղեւոր։ Միավորումը կատարվածն անվանել է աշխատանքային կոնֆլիկտի աննախադեպ սրում։ Միայն Lufthansa ավիակոնցեռնը ստիպված է եղել չեղարկել մոտ 1300 չվերթ։ Նոր չեղարկումներն իրականում տեղի են ունեցել օդանավակայաններում համակարգչային զանգվածային խափանումից անմիջապես հետո, որը վերացվել է միայն փետրվարի 15-ին:

Verdi արհմիությունը պահանջում է իր անդամների աշխատավարձի բարձրացում ամսական առնվազն 500 եվրոյով, որպեսզի մեղմվեն Ուկրաինայում ռազմական գործողությունների առաջացրած համաշխարհային ինֆլյացիայի հետևանքները:

Արհմիությունը հայտնել է, որ համաձայնության չհասնելու դեպքում Գերմանիայի օդանավակայաններում քաոս կառաջանա: 

Գործադուլն անցկացվում Է Մյունխենի անվտանգության ամենամյա միջազգային համաժողովի բացման օրը։

Բացի այդ, Գերմանիայի ազգային Lufthansa ավիափոխադրողի համար այն ստեղծում է շաբաթվա ընթացքում արդեն երկրորդ խնդիրը։

Չորեքշաբթի օրը խոշոր համակարգչային խափանումը հանգեցրել Էր այն բանին, որ Գերմանիայում հազարավոր ավիաուղևորներ բախվել էին չվերթների հետաձգման կամ չեղարկման:

 Խափանումը կաթվածահար էր արել երկրի խոշորագույն օդանավակայանի աշխատանքը Մայնի Ֆրանկֆուրտում։