Սպիտակ տունը այլմոլորակային ակտիվության նշաններ չի տեսել թռչող օբյեկտների խոցման դեպքերի շուրջ. խոսնակ
Միացյալ Նահանգների վարչակազմը վերջին օրերին Հյուսիսային Ամերիկայում երեք անհայտ թռչող օբյեկտների խոցման հետ կապված իրավիճակում այլմոլորակայինների ակտիվության նշաններ չի արձանագրել: Այս մասին հայտնել է Սպիտակ տան մամուլի քարտուղար Քերըն Ժան-Պիերը:
Նա նշել է, որ այդ առնչությամբ հարցեր և մտահոգություններ են եղել, որոնք չեն հաստատվել:
«Ոչ, այլմոլորակային ակտիվության որևէ նշան չկա այն դեպքերի շուրջ, որոնց արդյունքում թռչող սարքեր են խոցվել։ Եվ մեզ համար կարևոր էր, որ այս մասին ասենք Սպիտակ տնից, քանի որ մենք շատ ենք լսել այդ մասին»,- ասել է նա։
