Հայկական բեռնատարներին թուրքական կողմում դիմավորել է Իգդիրի ԱԻՆ–ի պետը
Թուրքական T24–ի փոխանցմամբ՝ Հայաստանից Մարգարայի կամուրջով Թուրքիա անցնելուց հետո կամուրջի մոտ հայկական բեռնատարներին դիմավորել է Իգդիրի արտակարգ իրավիճակների վարչության պետ Բուրհան Չոլլուն։ Համապատսախան ընթացակարգից հետո հայկական բեռնատարները մեկնել են աղետի գոտի։
T24–ը նշել է նաեւ, որ 1988–ի Սպիտակի երկրաշարժից հետո Թուրքիայում Կարմիր մահիկի կողմից հավաքված օգնությունը նույնպես Մարգարայի կամուրջով է ուղարկվել Հայաստան։
Նշենք, որ ՀՀ ԱԳՆ մամուլի քարտուղար Վահան Հունանյանը թվիթերյան իր միկրոբլոգում գրել էր, որ Հումանիտար օգնությամբ բեռնված բեռնատարներն անցել են սահմանը Մարգարայի կամրջով և ուղևորվել դեպի երկրաշարժից տուժած շրջան։
