«Ժամանակը պարտադիր չէ, որ Ուկրաինայի օգտին խաղա». Ֆրանսիայի ԱԳՆ եվրոպական հարցերով նախկին պետքարտուղար

Արևմտյան երկրները չեն կարողանա մշտապես միլիարդավոր եվրոներ ուղարկել Ուկրաինային աջակցելու համար: Այս մասին Le Figaro թերթի համար հոդվածում գրել է Ֆրանսիայի արտգործնախարարության եվրոպական հարցերով նախկին պետքարտուղար Պիեռ Լելուշը։ Նա հիշեցրել է, որ վերջին մեկ տարվա ընթացքում Արևմուտքը Կիևին ուղարկում է «հինգ միլիարդ եվրո ի հավելումն զենքի», բայց դա չի կարող անվերջ շարունակվել։ 

«Ժամանակը պարտադիր չէ, որ Ուկրաինայի օգտին խաղա, որի ՀՆԱ-ն նվազել է 35%-ով, իսկ ենթակառուցվածքները մեծ վնաս են կրել: Միևնույն ժամանակ զենքերը ծախսվում են «խելահեղ տեմպերով, երկրորդ համաշխարհային պատերազմից հետո չլսված մասշտաբներով։ Սակայն Եվրոպայի պաշարները դատարկ են սպառազինության ծախսերի 30 տարվա կրճատումից հետո»,-նշում է Լելուշը:

Լելուշը հավելել է, որ ԱՄՆ-ը սկսում է խնդիրներ ունենալ զենքի արտադրության հետ։ ԱՄՆ պաշտպանական արդյունաբերությունը «ժամանակ չունի անցնելու ռազմական տնտեսության ռելսերին՝ չնայած 2023 թվականին Պենտագոնին հատկացված 850 միլիարդ դոլարին: