ՏԵՍԱՆՅՈՒԹ. Պատգամավորի ջանքով երեք ապօրինի հանք է հայտնաբերվել
Փետրվարի 10-ին խորհրդարանում քննարկվում է «Ընդերքի մասին» օրենքում լրացումներ կատարելու և «Վարչական իրավախախտումների վերաբերյալ» ՀՀ օրենսգրքում լրացումներ կատարելու նախագծերի փաթեթն առաջին ընթերցմամբ ընդունելու հարցը:
ՔՊ-ական պատգամավոր Արմեն Խաչատրյանն իր ելույթում ասաց, որ ՀՀ-ում շուրջ 70 տոկոս ավազի արտահանումն ապօրինի է և սև շուկայում է.
«Մի քանի օր առաջ խոստացա, որ նյութերը կուղարկեմ դատախազություն, բայց այդ նյութերով զբաղվել է մեր պատգամավոր Հայկ Սարգսյանը և երբ կոնկրետ տեղանք է նշել` որտեղ ապօրինի հանքարդյունաբերություն է հայտնաբերվել, տեսչական մարմինը մինչև հասել է այնտեղ, 3 հատ ապօրինի հանք է հայտնաբերել: Հարցս հետևյալն է՝ լավ, ո՞նց կարող ա հեկտարներ վերցնեն, քանդեն ու սարքեն հանք, և որևէ մեկը այդ մասին չիմանա, բայց մեր պատգամավորի թեթև ջանքով 3 հատ հանք հայտնաբերվի մի քանի ժամվա ընթացքում»,- նշել է Խաչատրյանը:
