ՊՆ-ից` Սուրեն Պապիկյանի հրաժարականի վերաբերյալ լուրերի մասին
Հայաստանի պաշտպանության նախարարությունից հերքում են մամուլում տարածված տեղեկատվությունը, թե պաշտպանության նախարար Սուրեն Պապիկյանն առաջիկայում հրաժարական է տալու և անցնելու է դիվանագիտական աշխատանքի:
Պաշտպանության նախարարության աղբյուրը «Արմենպրես»-ին փոխանցեց, որ այդ լուրը իրականությանը չի համապատասխանում:
Հիշեցնենք` «Իրավունք» օրաթերթը տեղեկատվություն էր հրապարակել, որում նշվում էր, որ պաշտպանության նախարար Սուրեն Պապիկյանն առաջիկա օրերին հրաժարական կտա և կանցնի դիվանագիտական աշխատանքի:
