Ֆրանսիան ու Միացյալ Նահանգները համատեղում են իրենց ջանքերը` Լաչինի միջանցքի ապաշրջափակման համար

Ֆրանսիայի արտաքին գործերի նախարար Քեթրին Կոլոնան հեռախոսազրույց է ունեցել ԱՄՆ պետքարտուղար Էնթոնի Բլինկենի հետ, այս մասին տեղեկանում ենք Ֆրանսիայի ԱԳՆ կայքի: Նախարարը և պետքարտուղարը  քննարկել են Հայաստանի և Ադրբեջանի միջև ստեղծված իրավիճակը, գնահատել հակամարտության կարգավորման ուղղությամբ շարունակվող ջանքերը և ընդգծել Լաչինի միջանցքով ազատ տեղաշարժի անհապաղ վերականգնման անհրաժեշտությունը։

«Լեռնային Ղարաբաղի բնակչության վրա ներկայիս շրջափակման լուրջ հումանիտար հետևանքներն անընդունելի են, և Ֆրանսիան ու Միացյալ Նահանգները համատեղում են իրենց ջանքերը, վարչապետ Փաշինյանի և նախագահ Ալիևի շփումների միջոցով, այս իրավիճակին վերջ տալու համար», -հաղորդվում է Ֆրանսիայի ԱԳՆ հաղորդագրության մեջ։