Զելենսկին և Մակրոնը ժամանել են Բրյուսել
Ուկրաինայի նախագահ Վլադիմիր Զելենսկին հինգշաբթի օրը՝ փետրվարի 9-ին, Ֆրանսիայի նախագահ Էմանուել Մակրոնի հետ ժամանել է Բրյուսել։ Ուկրաինայի ղեկավարը ելույթ կունենա Եվրախորհրդարանում, ինչպես նաև կայցելի ԵՄ գագաթնաժողովին։
«Բարի գալուստ Բրյուսել, հարգելի Վլադիմիր Զելենսկի: Եվրոպական ընտանիքի սիրտ, որին պատկանում է Ուկրաինան», - թվիթերում գրել է Եվրահանձնաժողովի նախագահ Ուրսուլա ֆոն դեր Լեյենը:
Նա վստահեցրել է, որ եվրոպացի քաղաքական գործիչները կաջակցեն Ուկրաինային ԵՄ ճանապարհին ամեն քայլափոխի։
