«Պուտինն արդեն կորցրել է Ուկրաինան». Բայդեն
Ռուսաստանի նախագահ Վլադիմիր Պուտինը հույս ուներ «ՆԱՏՕ-ի փլուզման», և որ այն կվախենար ռուսական բանակի գործողություններից, ինչպես նաև բոլոր ռուսալեզու ուկրաինացիների աջակցությունից, ովքեր կողջունեին զինվորականներին, բայց սրանից ոչ մեկը տեղի չի ունենում: «PBS NewsHour»-ին տված հարցազրույցում այս մասին ասել է ԱՄՆ նախագահ Ջո Բայդենը։ Տեղեկատվությունը փոխանցում է rbc.ru-ն: Ըստ Բայդենի՝ «Պուտինին երբեք չի հաջողվի կարգավորել դա»։ ԱՄՆ նախագահը նաեւ ասել է, որ Պուտինն «արդեն կորցրել է Ուկրաինան»։
Լրագրողը Բայդենին հիշեցրել է հանրապետական կոնգրեսական Ջիմ Ջորդանի խոսքերը, ով կոչ է արել կառավարությանը Ուկրաինայի համար նախատեսված միջոցները փոխանցել ամերիկացիներին։ Այդ մասին խոսելիս Բայդենը ծիծաղել է։ Լրագրողը մատնանշել է, որ Միացյալ Նահանգները «100 միլիարդ դոլար» է ծախսել Ուկրաինային աջակցելու համար, և հարցրել է, թե արդյոք Կիևին «այնքան երկար ժամանակով» աջակցելու իր նախկին խոստումը անժամկետ պարտավորություն է:
«Սա ամուր պարտավորություն է»,- հաստատել է ԱՄՆ նախագահը։
