Այսուհետ ստի դետեկտոր կկիրառվի Արդարադատության նախարարությունում

 Արդարադատության նախարարության «Փորձագիտական կենտրոն» ՊՈԱԿ-ում այսուհետ կիրականացվի բացառիկ հետազոտություն՝ ստի դետեկտորի կիրառման միջոցով։

Այս մասին ասված է ՀՀ արդարադատության նախարարության ֆեյսբուքյան պաշտոնական էջում։

«Փորձագիտական կենտրոն» ՊՈԱԿ-ի հոգեբանական փորձաքննությունների բաժնի ղեկավար Անի Վարդանյանի խոսքով` սարքը հնարավորություն է տալու հետազոտել հոգեֆիզիոլոգիական ռեակցիաների ամբողջությունն ու ճշգրիտ գնահատական տալ: Այսինքն` ռեակցիաները հասնում են սարքի համապատասխան ուղղվածության գնահատման և հնարավորություն տալիս տեսնելու սարքային տատանումները: