ԱՄՆ կոնգրեսականը բանաձև է ներկայացրել Ուկրաինային օգնության դադարեցման մասին

ԱՄՆ Ֆլորիդա նահանգից հանրապետական ​​կոնգրեսական Մեթ Գետցը և նրա ութ գործընկերները Սպիտակ տանը կոչ են անում դադարեցնել Կիևին ուղղված աջակցությունը: Այս մասին հայտնում է Говорит Москва-ն:
 

Ինը էջանոց փաստաթղթի նախագծում նրանք թվարկում են ռազմական տեխնիկա, որը Վաշինգտոնն արդեն տրամադրել է ուկրաինական կողմին կամ պատրաստվում է ուղարկել։ Գետցը սպառազինության ընդհանուր արժեքը գնահատել է ավելի քան 27 միլիարդ դոլար։ Քաղաքական գործիչները վկայակոչում են տեղեկություններն այն մասին, որ նման օգնությունը սպառում է հենց Միացյալ Նահանգների պաշարները:
 

«Ամերիկան ​​կառավարելի անկման մեջ է, և իրավիճակը կվատթարանա, եթե մենք շարունակենք հարկատուների գումարները ծախսել արտասահմանյան պատերազմների վրա: Մենք պետք է դադարեցնենք Ուկրաինային օգնության մատակարարումը և պահանջենք, որ այս հակամարտությունում բոլոր կողմերն անհապաղ խաղաղության համաձայնություն ձեռք բերեն»,- կոնգրեսականի խոսքերն է մեջբերում Fox News-ը։