ՏԵՍԱՆՅՈՒԹ. Բաց քննարկումների ժամանակ ուզում են մարդկանց ցույց տալ, թե իրենք «ամենակռուտոյ» տեղեքն են. Քոչարյանը` ընդդիմադիրների մասին
Այսօր ԱԺ-ում «Հայաստան» խմբակցությունը նախաձեռնել էր փակ քննարկում, որին մասնակցել է նաև «Քաղաքացիական պայմանագիր»-ը, ՀՀ պաշտպանության նախարար Սուրեն Պապիկյանը: Քննարկվել է ՀՀ Զինված ուժերում ստեղծված իրավիճակը, խնդիրները և հրատապ անելիքները։
Լրագրողների հետ զրույցում ՔՊ-ական պատգամավոր Անդրանիկ Քոչարյանը մանրամասնել է՝ Պաշտպանության նախարարն ընդդիմադիրներին ներկայացրել է բանակի բարեփոխումների վերաբերյալ ծրագրային ամբողջ փաթեթը: Հարցին՝ Պապիկյանի հրաժարականի պահանջ չի՞ հնչել ընդդիմադիրների կողմից, Քոչարյանն արձագանքել է.
«Ի՞նչ հրաժարական, բայց ինչի՞ հնչեր, Պապիկյանը որևէ բաց հարց չի թողել»:
Անդրադառնալով փակ քննարկումների էֆեկտիվությանը, Քոչարյանն ասաց. Նման հարցերի փակ քննարկումը շատ էֆեկտիվ է, բացի դեպքում բոլորն ուզում են ցույց տալ ձեզ և հանրությանը, թե «մենք «ամենակռուտոյ» տեղեքն ենք»: Էս հանդիպումները նման ֆորմատով ամենաճիշտն են»,- ասաց պատգամավորը` գնահատելով ընդդիմադիրների հետ անցկացված քննարկումը:
