«Ղրիմը հետ կվերցվի». Պենտագոնի մամուլի խոսնակ

«Մենք GLSDB ռումբեր (փոքր տրամագծով ամերիկյան ռումբեր) կտեղափոխենք Ուկրաինա, ինչը թույլ կտա նրանց ավելի երկար հեռավորությունների վրա կրակել և հետ գրավել իրենց տարածքները»:

Այս մասին ճեպազրույցում հայտարարել է Պենտագոնի մամուլի խոսնակը՝ Ղրիմը հետ վերցնելու համատեքստում: 

Ավելի վաղ գերատեսչությունում նշել էին, որ ռուսական տարածքներին հարվածների հարցը թողնում են Կիևի հայեցողությանը։

Հիշեցնենք,որ Վաշինգտոնն Ուկրաինային է տրամադրել 3 մլրդ դոլարի ռազմական աջակցության հերթական փաթեթը։ Սպիտակ տան ներկայացուցիչ Ջոն Քիրբին ավելի վաղ հայտարարել էր, որ օգնությունը տրամադրելիս ամերիկյան կողմը հաշվի է առել Դոնբասում ռազմական գործողությունների առանձնահատկությունները, որտեղ այժմ ամենադաժան մարտերն են ընթանում: