Իրանի ԱԳՆ ղեկավարի այցը Ռուսաստան չի չեղարկվել. ՌԴ ԱԳՆ
Իրանի ԱԳՆ ղեկավար Հոսեյն Ամիր Աբդոլլահիանը կայցելի Ռուսաստան:Այս մասին հայտնել է ՌԴ ԱԳՆ Ասիայի երկրորդ դեպարտամենտի տնօրեն Զամիր Քաբուլովը` միաժամանակ հավելելով, որ իրանցի բարձրաստիճան պաշտոնյայի` Ռուսաստան կատարելիք այցի ժամկետները դեռ քննարկվում են։
«Ժամկետները հայտնի չեն, մենք դեռ պատասխան չենք ստացել, դրա համար էլ ոչինչ չեմ կարող ասել։ Այցը հետաձգվել է, այլ ոչ թե չեղարկվել», - ասել է Քաբուլովը։
Ավելի վաղ ՌԴ ԱԳՆ-ն տեղեկացրել էր, որ հունվարի 17-ին Ռուսաստանի և Իրանի արտաքին գործերի նախարարներ Սերգեյ Լավրովի և Հոսեյն Ամիր Աբդոլլահիանի միջև նախատեսված բանակցությունները հետաձգվել են։
