Հեռացրեք ձեր կեղտոտ ձեռքերը. Թուրքիայի ՆԳ նախարար
Թուրքիայի ներքին գործերի նախարար Սուլեյման Սոյլուն հորդորել է Անկարայում ԱՄՆ դեսպանին «կեղտոտ ձեռքերը հեռացնել» երկրից՝ մեղադրելով նրան Թուրքիայի ներքաղաքական կյանքը «գրգռելու» փորձի մեջ։
«Յուրաքանչյուր ամերիկացի դեսպան անհանգստանում է «Ի՞նչ կարող եմ անել Թուրքիայում, ինչի կարող եմ հասնել Թուրքիայում, ինչպես կարող եմ վնասել Թուրքիային, ինչպես կարող եմ օգտակար լինել իմ հայրերին»»: Սա երկար տարիներ Թուրքիայի ամենամեծ դժբախտություններից մեկն է:
ԱՄՆ դեսպանը հավաքում է դեսպաններին և փորձում է նրանց խորհուրդ տալ: Նրանք նույնն են անում Եվրոպայում, ամերիկյան դեսպանատունը ղեկավարում է Եվրոպան: Մի անհանգստացեք, եվրոպացիները չեն նեղվի դրանից: Նրանք գիտեն, որ դա այդպես է: Ճիշտ է, նրանք կարծում էին, որ կարող են նախագծել Թուրքիան, Ռեջեփ Թայիփ Էրդողանը փչացրեց նրանց խաղը»,- ասել է Սոյլուն, այս մասին գրում է Ռիա Նովոստին` վկայակոչելով Habertürk հեռուստաալիքին։
«Ամերիկացի դեսպանին ասում եմ՝ գիտեմ, թե որ լրագրողներին եք թելադրում, ձեր կեղտոտ ձեռքերը հեռացրեք Թուրքիայից, ես հստակ գիտեմ՝ ինչ եք արել, ինչ քայլեր եք արել, ինչպես։ Դուք ուզում եք Թուրքիային գրգռել։ Հեռացրեք ձեր կեղտոտ ձեռքերը, դիմակներով քմծիծաղող դեմքերը Թուրքիայից։ Ես հնարավորինս բաց եմ խոսում»,- հայտարարել է նա։
