Բլինքենը Կովկասում բանակցային հարցերով ավագ խորհրդական է նշանակել

ԱՄՆ պետքարտուղար Էնթոնի Բլինքենը Լուի Լ. Բոնոյին նշանակել է Կովկասում բանակցային հարցերով ավագ խորհրդական:Այս մասին տեղեկացնում է  ԱՄՆ Պետդեպարտամենտի մամուլի ծառայությունը: 

Նշվում է, որ Բոնոն աշխատել է որպես Ատոմային էներգիայի միջազգային գործակալությունում ԱՄՆ ներկայացուցչի ժամանակավոր պաշտոնակատար, Սբ. Աթոռում ԱՄՆ գործերի ժամանակավոր հավատարմատար։ Նա նաև զբաղեցրել է Բասրայի տարածաշրջանային գրասենյակի տնօրենի պաշտոնը, եղել է Ազգային անվտանգության խորհրդի անդամ և պետքարտուղարի տեղակալի խորհրդականը տնտեսական և բիզնեսի հարցերով:

Բոնոն երկկողմանի կաշխատի համախոհ գործընկերների, այդ թվում՝ Եվրամիության և միջազգային կազմակերպությունների հետ, ինչպիսին է ԵԱՀԿ-ն՝ խթանելու համար Հայաստանի և Ադրբեջանի միջև ուղիղ երկխոսությունը: