Բլինքենն Իսրայելին առաջարկել է ռազմական օգնություն ցուցաբերել Ուկրաինային
ԱՄՆ պետքարտուղար Էնթոնի Բլինկենը Իսրայելի իշխանությունների հետ բանակցությունների ժամանակ առաջարկել է օգնել Ուկրաինային ոչ միայն հումանիտար, այլ նաև ռազմական ոլորտում։ Այս մասին գրում է Интерфакс-ը:
«Մենք Իսրայելի հետ քննարկել ենք Ուկրաինայի բոլոր կարիքներին աջակցելու կարևորությունը՝ հումանիտար, տնտեսական և անվտանգային», - ասել է Բլինքենը երեքշաբթի Երուսաղեմում կայացած մամուլի ասուլիսում։
Նաև, պետքարտուղարի խոսքով, Իսրայելում նա քննարկել է Ռուսաստանի և Իրանի համագործակցության թեման։
Իսրայելի իշխանությունները բազմիցս հայտարարել են, որ զենք չեն մատակարարում և չեն մատակարարի Ուկրաինային, այդ թվում՝ հակաօդային պաշտպանության համակարգեր՝ չնայած վերջինիս խնդրանքին։ Իսրայելի օգնությունը սահմանափակվում է հումանիտար աջակցությամբ, պաշտպանիչ սարքավորումների փոխանցմամբ և «կյանք փրկող պարագաների մատակարարումներով»։
