Պուտինը մտադիր է վերահսկողություն հաստատել Ուկրաինայում. Ստոլտենբերգ
Սեուլում ՆԱՏՕ-ի գլխավոր քարտուղար Յենս Ստոլտենբերը հայտարարել է, որ ՌԴ նախագահ Վլադիմիր Պուտինը մտադիր է վերահսկողություն հաստատել Ուկրաինայի վրա։
«Մենք նշաններ չենք տեսնում, որ նախագահ Պուտինը փոխել է այս ներխուժման վերջնական նպատակը՝ վերահսկել հարևանին, վերահսկել Ուկրաինան»,- ասել է գլխավոր քարտուղարը։
ՆԱՏՕ-ի գլխավոր քարտուղարը կարծում է, թե Մոսկվան չի պատրաստվում խաղաղության, այլ` ընդհակառակը:
«Նրանք նոր զենքեր են գնում, ավելի շատ զինամթերք, մեծացնում են իրենց արտադրությունը, ինչպես նաև զենք են գնում ավտորիտար երկրներից, ինչպիսիք են Իրանը և Հյուսիսային Կորեան», - ասել է Ստոլտենբերգը։
Նա նաև նշել է, որ Ռուսաստանը մոբիլիզացնում է ավելի շատ զինվորների՝ ավելի քան 200,000:
