«Քաղաքացիական պայմանագիր» խմբակցությունը դռնփակ նիստ է անցկացնում։ Այս մասին հայտնում են ԶԼՄ-ները:

Ինչպես գրում է Armlur.am-ը` նիստի օրակարգի մաս է կազմելու նաեւ «Ժողովուրդ» օրաթերթի «ՔՊ-ական պատգամավորների օգնականները պարգեւավճար են պահանջում» վերտառությամբ հոդվածը, որտեղ լրատամիջոցը գրել էր, որ ՔՊ-ական մի խումբ պատգամավորների օգնականներ, «շեֆերի» գիտությամբ, պարգեւավճար են պահանջում ԱԺ նախագահից: «Ժողովուրդ» օրաթերթը ցանկ էր հրապարակել, թե ՔՊ-ական որ պատգամավորների օգնականներն են միացել ստորագրահավաքին:  

Միևնույն ժամանակ, ըստ hraparak.am-ի՝ ըստ ամենայնի կքննարկեն նաեւ ՄԻՊ թեկնածու ներկայացնելու հարցը։ Բանն այն է, որ ՄԻՊ թեկնածու առաջադրելու վերջնաժամկետը փետրվարի 2-ին է ՝ հրաժարական ներկայացնելուց հետո տասներորդ օրը, իսկ նախկին ՄԻՊ Քրիստինե Գրիգորյանը հունվարի 23-ին հայտնեց հրաժարականի դիմումի մասին։