Թուրքիայում Դանիայի դեսպանը կանչվել է երկրի ԱԳՆ
Թուրքիայի արտգործնախարարությունից այսօր կանչել են Անկարայում Դանիայի դեսպանին և Կոպենհագենում Ղուրանը պղծելու ակցիա անցկացնելու թույլտվության համար իրենց բողոքն են արտահայտել, հայտնել է Թուրքիայի ԱԳՆ աղբյուրը։
Հիշեցնենք, որ Ռասմուս Փալուդանը, ով նախկինում այրել էր Ղուրանը Շվեդիայում Թուրքիայի դեսպանատան դիմաց, այսօր կրկնել է ակցիան Կոպենհագենում Թուրքիայի դեսպանատան դիմաց:
Հունվարի 21-ին Ստոկհոլմում Թուրքիայի դեսպանատանն այրել էին մահմեդականների սուրբ գիրքը՝ Ղուրանը, նախապես այդ գործողության համար Շվեդիայի իշխանություններից թույլտվություն ստանալով։ Թուրքիայի նախագահը հունվարի 23-ին հայտարարել է, որ Շվեդիան չպետք է հույս դնի Թուրքիայի աջակցության վրա՝ ՆԱՏՕ-ին անդամակցելու իր հայտի համար:
Երկուշաբթի օրը Հաագայում ևս ակցիա է կազմակերպվել, որի ընթացքում պոկել են Ղուրանի մի քանի էջ, այնուհետև այրել դրանք։
