
Ջոկովիչի հայրը բացատրել է, թե ինչու է Ավստրալիայի բաց առաջնությունում արտահայտվել ի օգուտ ռուսների

Սերբ թենիսիստ Նովակ Ջոկովիչի հայրը՝ Սրջան Ջոկովիչը, բացատրել է, թե ինչու է նկարվել ռուս երկրպագուների հետ և պաշտպանել Ռուսաստանին Ավստրալիայի բաց առաջնությունում։
«Իմ նպատակը չի եղել նման վերնագրեր ստեղծելը։ Ես Նովակի երկրպագուների հետ փողոցում էի և ամեն ինչ արեցի` նրա հաղթանակը տոնելու համար։ Ես լուսանկարվեցի երկրպագուների հետ և բռնվեցի դա անելիս:
Իմ ընտանիքը վերապրել է պատերազմի սարսափը, ուստի մենք միայն խաղաղություն ենք ուզում: Որոշեցի, որ Նովակի մնացած հանդիպումները կդիտեմ տնից»,- Սրդյան Ջոկովիչի խոսքերն է փոխանցում codesports-ը։
Հիշեցնենք, որ Ջոկովիչի և ռուս Անդրեյ Ռուբլևի հանդիպման ավարտից հետո Սրջան Ջոկովիչին տեսել են մի տղամարդու հետ, որը կրել է Z տառով մարզաշապիկ` «որտեղ մենք, այնտեղ Ռուսաստանը» գրությամբ: Տղամարդու ձեռքում եղել է նաև Ռուսաստանի դրոշ՝ Պուտինի պատկերով։ Մարզիկի հայրն էլ ասել է. «Կեցցե ռուսները»։
Մրցաշարի կազմակերպիչներն ավելի վաղ արգելել էին Ռուսաստանի և Բելառուսի դրոշները Ավստրալիայի բաց առաջնության տրիբունաներից՝ ուկրաինացի հանդիսատեսների բողոքների պատճառով: