Պուտինը Զելենսկու հետ չի խոսել արդեն մի քանի տարի. Պեսկով
Ռուսաստանի նախագահ Վլադիմիր Պուտինը և Ուկրաինայի նախագահ Վլադիմիր Զելենսկին վերջին մի քանի տարիներին չեն խոսել։ Այս մասին հայտարարել է Կրեմլի պաշտոնական ներկայացուցիչ Դմիտրի Պեսկովը։
Հարցին, թե արդյոք ճիշտ կլինի ասել, թե Պուտինը Զելենսկու հետ մի քանի տարի շարունակ ո՛չ անձնական հանդիպումներ, ո՛չ հեռախոսային կապեր չի ունեցել, Պեսկովը դրական է պատասխանել, գրում է РИА Новости-ն։
Հիշեցնենք, որ Պուտինն ու Զելենսկին վերջին անգամ անձամբ զրուցել են 2019 թվականին Փարիզում։ Նրանք երկկողմանի բանակցություններ են անցկացրել նորմանդական ավելի լայն ձևաչափով հանդիպման շրջանակներում:
