Նոր մանրամասներ Ալվեսի գործից. տեսախցիկները ֆիքսել են` քանի րոպե է ֆուտբոլիստը զուգարանում եղել կնոջ հետ

«Բարսելոնայի» նախկին ֆուտբոլիստ Դանի Ալվեսի գործով նոր մանրամասներ են հայտնի դարձել: Այս մասին գրում է Sport.ru:

Նշվում է, որ տեսախցիկները ֆիքսել են, որ բրազիլացին և նրան բռնաբարության մեջ մեղադրող կինը մոտ 15 րոպե գտնվել են զուգարանում։

Նշենք, որ կնոջ խոսքով՝ Ալվեսը բռնաբարել է իրեն գիշերային ակումբի զուգարանում։ Հենց զուգարանում տեսախցիկներ չեն եղել։

Ավելի վաղ կատալոնական El Taquigrafo լրատվամիջոցը հայտարարել էր, որ ունի տեսախցիկներից կադրեր, որտեղ երևում է, որ Ալվեսն ու աղջիկը զուգարանում են եղել 47 վայրկյան։ Կատալոնական լրատվականը, սակայն, իր ունեցած կադրերը չի ցուցադրել։

Հիշեցնենք նաև, որ Դանի Ալվեսը պատասխանել է սեռական ոտնձգությունների մասին մեղադրանքներին:

«Ես հերքում եմ մեղադրանքները։ Այո, ես ակումբում էի զվարճանում։ Բոլորը գիտեն, որ ես սիրում եմ պարել։ Ես պարեցի և զվարճացա՝ չներխուժելով ուրիշի անձնական տարածք։ Երբ ես գնում եմ զուգարան, ես ստիպված չեմ հարցնել, թե արդյոք այնտեղ որևէ մեկը կա»,- ասել է Ալվեսը իսպանական Antena 3 հեռուստաալիքին։