Ադրբեջանի ԱԳՆ-ն պատասխանել է ԱՄՆ պետքարտուղարության խոսնակին

Ադրբեջանի ԱԳՆ պաշտոնական ներկայացուցիչ Այխան Հաջիզադեն, անդրադառնալով Նեդ Փրայսի հայտարարությանը, Twitter-ում գրել է.

«Տեղին կլինի կոչ անել հայկական կողմին կատարել իր պարտավորությունները և դադարեցնել ապօրինի գործողությունները»։

Նա նշել է, որ ավելի քան 1000 մեքենաները, որոնք ապրանքներ են առաքում Ադրբեջանի Ղարաբաղի շրջան, ապացուցում են հակառակը, ինչ հունվարի 24-ին ԱՄՆ Պետդեպարտամենտը հայտարարեց։

Հիշեցնենք, որ հունվարի 24-ին ԱՄՆ Պետդեպարտամենտի պաշտոնական ներկայացուցիչ Նեդ Փրայսը ճեպազրույցի ժամանակ կոչ արեց Ադրբեջանին ապաշրջափակել Լաչինի ճանապարհը: