ՏԵՍԱՆՅՈՒԹ. Եթե ԵՄ դիտորդները ցանկանում են փոխել ՀՀ-ի ներքին և արտաքին վեկտորը, մենք կպայքարենք դրա դեմ. Զատուլին
Արդյո՞ք Հայաստանում եվրոպական նոր առաքելությունը չի հանգեցնի իրավիճակի բարդացման, ահա այս հարցն ենք մենք հիմա Ռուսաստանում տալիս մեզ, Sputnik մամուլի կենտրոնում ասել է ՌԴ Պետդումայի պատգամավոր Կոնստանտին Զատուլինը։ Նա նշել է, որ այս առընչությամբ ժամանակից շուտ խուճապի մատնվելու կարիք չկա, քանի որ ԵՄ դիտորդների մանդատները խիստ սահմանափակ են:
«Հայաստանի իշխանությունների նախաձեռնությամբ նրանց հայտնվելը Ադրբեջանի ճնշմանը դիմակայելու և այդ ճնշման դեմ դաշնակիցներ գտնելու քայլ է: Եվ եթե այսօր ԵՄ-ից պարոնները նպատակ ունեն օբյեկտիվորեն գնահատել Ադրբեջանի պահվածքը և ինչ–որ բան պահանջել, թող պահանջեն: Բայց եթե ԵՄ դիտորդները ցանկանում են փոխել Հայաստանի ներքին և արտաքին վեկտորը, մենք կպայքարենք դրա դեմ»,- մասնավորապես ասել է Զտուլինը:
