Առաջիկա 2-3 շաբաթը վճռորոշ կլինի Ուկրաինայի հակամարտության համար. Շառլ Միշել
Եվրոպական խորհրդի նախագահ Շառլ Միշելը հայտարարել է, որ առաջիկա երկու-երեք շաբաթը վճռորոշ կլինի Ուկրաինայի հակամարտության համար։ Այս մասին քաղաքական գործիչն ասել է իսպանական El Mundo թերթին տված հարցազրույցում։
Միշելի խոսքով՝ այս ընթացքում կորոշվի Ուկրաինայում իրադարձությունների հետագա զարգացումը։
«Հաջորդ շաբաթները՝ 2 կամ 3, որոշիչ են հակամարտության և խաղաղության համար: Այն, ինչ տեղի կունենա 2023 թվականին, և շատ բան կախված է առաջիկա շաբաթներից, կորոշի մեր ապագան»,-ասել է Միշելը:
Ուստի Եվրախորհրդի ղեկավարը հորդորել է շարունակել աջակցել Ուկրաինային և տրամադրել բոլոր անհրաժեշտ օգնությունները։