Շվեդիայի դեսպանը կրկին կանչվել է Թուրքիայի ԱԳՆ

Ուրբաթ Անկարայում Շվեդիայի դեսպանը կանչվել է Թուրքիայի ԱԳՆ՝ կապված հունվարի 21-ին Ստոկհոլմում Քրդստանի աշխատավորական կուսակցության (PKK) կողմնակիցների ցույցի հետ, որը Անկարան համարում է ահաբեկչական կազմակերպություն։ Այս մասին ՏԱՍՍ-ին հայտնել է Թուրքիայի ԱԳՆ-ի աղբյուրը։

«Նշվեց, որ PKK-ի հետ կապված շրջանակները վաղը ցույց են հայտարարել Ստոկհոլմի կենտրոնում, և որ ահաբեկչական կազմակերպությունների և նրանց աջակիցների քարոզչական գործունեությունը թույլ տալը եռակողմ համաձայնագրի ակնհայտ խախտում է (Խմբ.` Թուրքիայի, Շվեդիայի և Ֆինլանդիայի միջև)», - ասել է աղբյուրը:
 

Նա նաեւ պնդում է, որ հունվարի 21-ին թույլատրվել է «Ստոկհոլմում Թուրքիայի դեսպանատան մոտ Ղուրանի այրումը»։ «Դեսպանին շեշտվեց, որ մենք խստորեն դատապարտում ենք նշված սադրիչ գործողությունը, որն ակնհայտորեն ատելության հողի վրա հանցագործություն է, որ Շվեդիայի կողմից նման վերաբերմունքն անընդունելի է»,- հավելել է նա։