«Մենք ուզում ենք դա տեսնել ոչ թե խոսքերով, այլ գործով». Չավուշօղլուն` Փաշինյանի մասին
Թուրքիան ձևավորել է Արևելք-Արևմուտք միջանցքի («Միջին միջանցք») երկխոսության եռակողմ և քառակողմ մեխանիզմներ՝ Ադրբեջանի, Ղազախստանի և Վրաստանի մասնակցությամբ: Այս մասին Թուրքիայի արտգործնախարար Մևլութ Չավուշօղլուն ասել է Վաշինգտոնում Թուրքիայի դեսպանատանը ԱՄՆ թուրքական համայնքի ներկայացուցիչների հետ հանդիպմանը:
«Հուսով եմ, որ Հայաստանը նույնպես կմիանա այս գործընթացին, այսինքն՝ կկատարի անկեղծ քայլեր դեպի խաղաղություն։ Ցավոք, բանակցությունների առումով մենք վերջին շրջանում նկատում ենք հետընթաց քայլեր։ Այսօր Բլինկենն ասաց, որ Փաշինյանն անկեղծ է, բայց մենք ուզում ենք դա տեսնել ոչ թե խոսքերով, այլ գործով»,- ասել է Չավուշօղլուն։
«Ես կարող եմ բաց հայտարարել, այդ թվում՝ եղբայրական Ադրբեջանի անունից, Անկարան և Բաքուն անկեղծորեն հակված են Երևանի հետ հարաբերությունների կարգավորմանը», - ասել է Թուրքիայի արտգործնախարարը։
