Լաչինի միջանցքը պետք է բացվի հիմա. Եվրախորհրդարանի պատգամավոր Ռոբերտ Հեյշել

Լաչինի միջանցքի երկարաժամկետ շրջափակումը, որը Լեռնային Ղարաբաղի հայերի համար Հայաստանի հետ կապվելու միակ միջոցն է, խորապես անհանգստացնող է։Եվրախորհրդարանում ԼՂ շրջափակման հումանիտար հետևանքների վերաբերյալ լսումների ժամանակ ասել է պատգամավոր Ռոբերտ Հեյշելը:

ԵՄ-ն Ադրբեջանին կոչ է արել ձեռնարկել բոլոր հնարավոր միջոցները՝ ապահովելու մարդկանց և ապրանքների ազատ տեղաշարժն այս միջանցքով։ Հումանիտար իրավիճակը, որն արդեն սրվել է գազամատակարարման դադարեցման պատճառով, միայն վատանում է և շուտով կարող է վերածվել հումանիտար աղետի, եթե շրջափակումն անհապաղ չվերացվի։ 120 հազար մարդու համար հասանելի չեն ապրանքներն ու ծառայությունները, դեղերը, սնունդն ու վառելիքը։

«Մենք պետք է կտրականապես դատապարտենք միջանցքի շրջափակումը և կոչ անենք Ադրբեջանի իշխանություններին և տարածաշրջանում տեղակայված խաղաղապահ ուժերին իրականացնել եռակողմ հայտարարությունը և անհապաղ ապահովել միջանցքի հասանելիությունը։
 

Մենք գիտենք, որ երկու երկրները և հատկապես Հայաստանը դժգոհ են 2020 թվականի հրադադարի պահպանման ձևից։ Կողմերը պետք է բանակցություններ վարեն, որոնք խաղաղություն և կայունություն կբերեն տարածաշրջանին, բայց Լաչինի միջանցքը պետք է բացվի հիմա»,- ասել է Հեյշելը