Ինչ են խոսել Ալիևն ու Ղարիբաշվիլին Դավոսում

Դավոսի Համաշխարհային տնտեսական համաժողովում Ադրբեջանի նախագահ Իլհամ Ալիևի և Վրաստանի վարչապետ Իրակլի Ղարիբաշվիլիի մասնակցությամբ պանելային քննարկումներից մեկի ժամանակ խոսվել է Հարավային Կովկասում կայունության և անվտանգության մասին:

Համապատասխան հարցին ի պատասխան` Վրաստանի վարչապետը անդրադարձել է Հայաստանի և Ադրբեջանի հարաբերությունների կարգավորման հարցում Վրաստանի միջնորդական դերին` նշելով իրենց անշահախնդրությունն ու չեզոքությունն այդ հարաբերություններում։
 

Վրաստանի վարչապետի ելույթից առաջ Ադրբեջանի առաջնորդը մեղադրանքներ է հնչեցրել Հայաստանի հասցեին։ Պատասխանելով հայ–ադրբեջանական կարգավորման մասին հարցին` Ալիևը հայտարարել է, որ գործընթացը մնացել է անապատի մեջտեղում: Նա նշել է, թե Հայաստանը չի պատասխանել խաղաղության համաձայնագրի վերաբերյալ Ադրբեջանի առաջարկներին։
 

Ինչ վերաբերում է Դավոսի համաժողովում Երևանի բացակայությանը, Ալիևն այդ փաստը կապել է Վրաստանի մասնակցությամբ եռակողմ ձևաչափով հանդիպումից Երևանի հրաժարվելու հետ: