«Ե՛վ Ռուսաստանը, և՛ Պուտինը կան և կլինեն». Պեսկովը պատասխանել է Զելենսկիին
Ռուսաստանի նախագահի մամուլի քարտուղար Դմիտրի Պեսկովը մեկնաբանել է Ուկրաինայի նախագահ Վլադիմիր Զելենսկիի խոսքերը, ով Դավոսի տնտեսական համաժողովում ասել է, որ չի հասկանում, թե ում հետ և ինչպես բանակցել խաղաղության համար, քանի որ չգիտի, թե ով է որոշում կայացնում, և վստահ չէ, որ Պուտինը ողջ է։
«Հասկանալի է, որ և՛ Ռուսաստանը, և՛ Պուտինը ներկայիս Ուկրաինայի և Զելենսկու համար մեծ խնդիր են։ Եվ հասկանալի է, որ զուտ հոգեբանորեն Զելենսկին կնախընտրեր, որ ո՛չ Ռուսաստանը, ո՛չ էլ Պուտինը չլինեին։ Բայց որքան շուտ ուկրաինական ռեժիմը գիտակցի, որ և՛ Ռուսաստանը, և՛ Պուտինը կան և կլինեն, այնքան ավելի լավ է այնպիսի երկրի համար, ինչպիսին Ուկրաինան է», - ասել Է Պեսկովը։
Նրա խոսքով՝ որքան շուտ ուկրաինական ռեժիմը պատրաստակամություն ցուցաբերի հաշվի առնել Ռուսաստանի պահանջները, որոնք այս կամ այն կերպ ձեռք կբերվեն, այնքան ավելի արագ ամեն ինչ կավարտվի։
«Եվ այնքան արագ Ուկրաինայի ժողովուրդը կսկսի վերականգնվել այն ողբերգությունից հետո, որը կազմակերպել է Կիևի ռեժիմը», — հավելել է Պեսկովը:
