Իսրայելում ուլտրակրոնական ուժի առաջնորդին արգելել են նախարար դառնալ

Իսրայելի Գերագույն դատարանը դեմ է արտահայտվել ծայրահեղ կրոնական «Շաս» կուսակցության առաջնորդ Արիեհ Դերիին նախարարական պաշտոններում նշանակելուն հանցավոր անցյալի պատճառով, չորեքշաբթի հաղորդում են իսրայելական լրատվամիջոցները, գրում է Интерфакс-ը։

Այսպիսով, այս դատավճիռը Դերիին զրկում է Իսրայելի ներքին գործերի և առողջապահության նախարարությունները ղեկավարելու հնարավորությունից։  Նա նախկինում այս երկու պաշտոններն էլ ստացել է` որպես վարչապետ Բենիամին Նեթանյահուի հետ իշխող կոալիցիայի ստեղծման համաձայնագրի մաս։

Որոշումն այն մասին, որ Դերին չի կարող զբաղեցնել նախարարական պաշտոններ, Իսրայելի Գերագույն դատարանը (Բարձր դատարանը) ընդունել է չորեքշաբթի տասը դեմ ձայնով։

Դերիի քաղաքական ընդդիմախոսները նախկինում բողոք էին ուղարկել Արդարադատության բարձր դատարան։ 

Նրանք պահանջում էին, որ նախարարական պաշտոններում գործչի նշանակումը ճանաչվի անօրինական՝ հանցավոր անցյալի պատճառով. 1999-ին նա դատապարտվել է չորս տարվա ազատազրկման կոռուպցիայի համար, 2003-ին` հանրային վստահությունը չարաշահելու, խաբելու համար, իսկ 2022թ.՝ հարկային խախտումների համար։