Հունգարիայի վարչապետը հայտնել է, թե ով է ուկրաինական հակամարտության «զոհը»

Հունգարիայի վարչապետ Վիկտոր Օրբանը կարծում է, որ ԱՄՆ-ն, տնտեսական իմաստով, միանշանակ շահում է ուկրաինական հակամարտությունից, մինչդեռ հիմնական զոհը եվրոպացիներն են։ Այս մասին ասել է ՌԻԱ «Նովոստի»-ն:

«Սխալ պատժամիջոցային քաղաքականության և պատերազմի զոհերը եվրոպացիներն են, պատերազմից, միանշանակ, շահում է Ամերիկան, Եվրոպան՝ միանշանակ, պարտվում։ Ռուսաստանի պարագայում առայժմ վիճելի է՝  հաղթո՞ւմ են, թե՞ պարտվում, բայց նրանք այդքան էլ չեն կորցնում, եթե խոսենք փողի մասին…Ընդհանուր առմամբ, տնտեսական իմաստով կարելի է վստահորեն ասել, որ այս ամբողջ հակամարտությունում միակ կամ ավելի ճիշտ ամենամեծ պարտվողը Եվրոպան է»,- ասել է Օրբանը Kossuth ռադիոկայանի եթերում։

Ավելի վաղ Օրբանը հայտարարել էր, որ Եվրոպան կորցնում է՝ հրաժարվելով ռուսական էներգակիրներից՝ հօգուտ ամերիկյանների, քանի որ ստիպված է 5-10 անգամ գերավճար անել դրանց համար։ Նրա խոսքով՝ Եվրոպան պետք է «ամերիկացի ընկերներին» հարցեր տա այն մասին, թե ով է հաղթում այս իրավիճակում։