ՏԵՍԱՆՅՈՒԹ. Բլոկադայի 25-րդ օր. Արցախում մթերային խանութները գրեթե դատարկ են
Բլոկադայի 25-րդ օրն Արցախում մթերային խանութները գրեթե դատարկ են: Օրեր առաջ սկսել են պետական պահուստներից սահմանափակ քանակությամբ որոշ ապրանքներ ստանալ: Չի բավարարում:
Տոներից հետո փակ խանութներն ավելացել են: Որոշները հասցրել էին փակվել դեռ 2022-ի վերջին:
Մարդկանց մի մասն էլ դժգոհում են տեղական ապրանքատեսակների՝ մանավանդ կանաչեղենի, անհիմն թանկացումներից: Շատերը տեսախցիկի առաջ չեն ցանկանում խոսել իրենց մտահոգությունների մասին: Իսկ դրանք շատ են: Նույնիսկ դեղատուն մտնողներն են հաճախ դատարկաձեռն են հեռանում:
Արցախի լիակատար շրջափակումը շարունակվում է արդեն 25 օր: Որքան կտեւի՝ դեռ պարզ չէ:
